உயர்ந்த தலைவர் உமர் கத்தாப்

ஒப்பற்ற ஒப்பிலானின்
அப்பழுக்கற்ற மண்ணின் மைந்தர்!
பிறந்த மண்ணிலும் -தற்போது
இறந்த மண்ணிலும்
சிறந்த மனிதராய்த்
திகழ்ந்த புனிதர்

இறைவழியில் இன்முகத்துடன்
பெருந்தொகையை அள்ளித் தரும்
பெருந்தகை !

பள்ளி கட்டுவதற்கு
அள்ளித் தந்தவர் -புதிய
பள்ளி கட்டுவேன் என
சொல்லிச் சென்றவர்!

அறிஞர்கள் என்றால்
அவ்வளவு பிரியம்!
பழகிப் பார்த்தோருக்கு
 நன்றாகவே புரியும்!

சொந்த ஊர்
வந்த ஊர்
எந்த ஊரிலும்-இவர்
தந்த தீர்ப்புக்கு
தலைவணங்குவோர் ஏராளம்!
தீராத சிக்கல்களும்
தீரும் இவர் மூலம் !

கையில் குடையோடு
மிடுக்கு நடையோடு
பளிச்சென்ற உடையோடு
அவர் வருகின்ற
அழகு...அப்பப்பா!

அந்த கம்பீர கலங்கரை விளக்கு-இன்று
காணாமல் போனதே..
அந்த அகழ் விளக்கு -இன்று
அணைந்து விட்டதே!

இனி-
எப்ப்டி கிடைக்கும்
இப்படி ஒரு தலைமை ?
அப்படியே கிடைத்தாலும்
முறைப்படி இவர்தான்
அதற்கும் முதன்மை !

ஜனாப் உமர்கத்தாப் வபாத்

தகவல் : Shanavas Abdul Kader (singapore ) 

ஒப்பிலான் முன்னாள் ஜமாத் தலைவர்
ஜனாப் உமர்கத்தாப் அவர்கள் சிங்கப்பூரில்
வபாத்தாகிவிட்டார்கள் (17-08-2013 சனிக் கிழமை)

1981 ல் I O B கிளை ஒப்பிலானில் துவக்கம் 

• எங்கள் ஊரின் ஒற்றுமைக்கும் முன்னேற்றத்துக்கும் காரணியாக திகழ்ந்தவர்
• மேக்ஸ்வெல் அங்காடிக்கடைத்தொகுதியில் புகழ் பெற்ற உணவுக்கடை 
• மார்க்க அறிஞர்களுடன் நட்பு என்று ஒப்பிலானின் அடையாளமாக இருந்தவர்
• ஒரு சிறு கிராமத்தில் தேசிய வங்கியை
  • துவங்க என்னை ஊக்குவித்து வழி நடத்திய 
  பெரு ந்தகையாளர்

அவருடைய மறைவு பேரிழப்பு அவரின் புதல்வர்கள் மற்றும்
உறவினர்கள் அணைவருக்கும் ஆழ் ந்த
அனுதாபங்கள்.

                                       இப்படிக்கு 
                      ஷா நவாஸ் அப்துல் காதர் சிங்கை 

பரவசத்துடன் நடந்த பட்டமளிப்பு விழா

அல்ஹம்து லில்லாஹ் !
அல்லாஹ்வின் கிருபையால்
கடந்த 30 ந் தேதி நம் ஒப்பிலானில் ''முபல்லிகா'' பட்டமளிப்பு விழா விமரிசையாக நடந்து முடிந்தது .

11 மாணவிகள் பட்டம் பெற்ற இவ்விழாவைக் காண நம் ஊரிலிருந்தும் அருகிலுள்ள ஊர்களிலிருந்தும் அணிஅணி யாய்த திரண்டிருந்தனர்

மாணவிகளின் சார்பில் அவர்களது உறவினர்கள் பட்டங்களையும் பரிசுகளையும் பெற்றுக் கொண்டனர்
அப்போது எடுக்கப்பட்ட சில புகைப் படங்கள் இதோ உங்களுக்காக !