இங்குமா டெங்கு?

 


தென்மாவட்டங்களை அச்சுறுத்தி வந்த டெங்கு காய்ச்சல், இப்போது வேகமாக சென்னையிலும் பரவிவருகிறது.


தென்மாவட்டங்களான, திருநெல்வேலி, தூத்துக்குடி, கன்னியாகுமரி, கோவை ஆகிய மாவட்டங்களில் டெங்கு காய்ச்சலுக்கு பலபேர் பலியாகிக் கொண்டிருந்த நிலையில், நேற்று முன்தினம் திருப்பூர், ஈரோடு மாவட்டங்களிலும் டெங்கு காய்ச்சல் பரவியது. தென் மாவட்டங்களில் இதுவரை டெங்கு காய்ச்சலுக்குப் பலியானவர்களின் எண்ணிக்கை 42 ஆக உயர்வடைந்துள்ளது.


இதைத் தொடர்ந்து சென்னையிலும் டெங்கு காய்ச்சல் பரவியுள்ளதாக தகவல் வெளியாகியுள்ளது. இரண்டு நாட்களுக்கு முன் சென்னை எழும்பூர் ரயில்வே ஸ்டேசனில் டெங்கு காய்ச்சலுக்கான சோதனை நடத்தப் பட்டது. இந்நிலையில் எழும்பூரை சேர்ந்த ஓர் பெண்ணுக்கும், அயனாவரம் சேர்ந்த ஓர் இளைஞருக்கும் டெங்கு காய்ச்சல் இருப்பதாக கண்டுபிடிக்கப பட்டு மருத்துவ மனையில் அனுமதிக்கப் பட்டிருக்கின்றனர்.
கோவை: கோவை அரசு மருத்துவ கல்லூரி மருத்துவமனையில் டெங்கு அறிகுறியுடன் 7 பேர் அனுமதிக்கப்பட்டுள்ளனர். போத்தனூர், ஈரோடு, கரூர் மாவட்டங்களிலிருந்து தலா ஒருவரும், திருப்பூர் மாவட்டத்திலிருந்து 4 பேரும் மருத்துவமனையில் அனுமதிக்கப்பட்டுள்ளதாக மருத்துவமனை வட்டாரங்கள் தெரிவித்துள்ளன. இதனிடையே டெங்கு காய்ச்சலை கட்டுப்படுத்த தீவிர நடவடிக்கை எடுத்து வருவதாக கோவை மாநகராட்சி கூறியுள்ளது. http://www.dinamalar.com/News_Detail.asp?Id=474423


ஒப்பிலானிலும் ஒரு சில குழந்தைகளுக்கு இந்த விஷக் காய்ச்சல் பரவத் தொடங்கியதைத் தொடர்ந்து இந்த வார ஜும்ஆ பிரசங்கத்தில் விழிப்புணர்வு பிரச்சாரம் செய்யப்பட்டது. இந்த காய்ச்சல் பரவுவதற்கான காரணங்களும் அதைத் தடுப்பதற்கான தக்க ஆலோசனையும் வழங்கப்பட்டது. 

• தெருக்களில் கழிவுநீர் தேங்க விடாமலும் 
• கழிவுநீர் ஓடைகளின் ஓரமாக தடுப்பு மருந்து தெளிக்கவும் 
• குடிநீரை காய்ச்சி வடிகட்டி ஆறவைத்து அருந்தவும் 
• இந்த காய்ச்சல் பரவும் காலத்தில் முன்னெச்சரிக்கையாக நிலவேம்பு கஷாயம் குடித்து வந்தால் இந்த நோய் அண்டவே அண்டாது என்றும் வலியுறுத்தப்பட்டது. 
• உலகில் பரவும் நோய்களில் 80 % தண்ணீரால்தான் பரவுகிறது என்று உலக சுகாதார நிறுவனம் அறிவித்துள்ளதை நினைவூட்டப்பட்டது.

இதுகுறித்து தகுந்த நடவடிக்கை எடுக்கப்படுமா? என்று பொறுத்திருந்துதான் பார்க்கவேண்டும்.
டெங்கு காய்ச்சல் குறித்து டாக்டர். க. இராஜேந்திரன் எழுதிய விரிவான கட்டுரை காண இங்கே அழுத்தவும்